Sambah sujuik jo simpuah, sabarek buka nan piawai, naraco luruih main daun, indak basisiak jo basibak, indak bahinggo jo babateh, kok ketek indak basabuik namo, kok gadang indak babilang gala, ujuikno sambah nan taserak kapado hadiran sadonyo diblog ambo ko.
Untuak maisi kekosongan hati kito baliak pado wakotu dalam bakasimpitan kini ko, nan kini Ambo baduo samo Alfan akan mamposting sabuah carito bahaso minang kabau, bahaso daerah tacinto kito,, okelah sanak pado postingan carito minang yang ambo buek surang diri sabolum ko yang ambo agia pado dunsanak kasadonyo dengan judul Carito minang lucu Maling Durian,, nah jikok ado sanak yang alum mambaco cubo2lah baco dulu Carito minang lucu Maling Durian di., kecek kawan2 yang ala mambaco carito mantap bana yo sabana lucu, tapi antalah ambo ragu... :D
Untuak maisi kekosongan hati kito baliak pado wakotu dalam bakasimpitan kini ko, nan kini Ambo baduo samo Alfan akan mamposting sabuah carito bahaso minang kabau, bahaso daerah tacinto kito,, okelah sanak pado postingan carito minang yang ambo buek surang diri sabolum ko yang ambo agia pado dunsanak kasadonyo dengan judul Carito minang lucu Maling Durian,, nah jikok ado sanak yang alum mambaco cubo2lah baco dulu Carito minang lucu Maling Durian di., kecek kawan2 yang ala mambaco carito mantap bana yo sabana lucu, tapi antalah ambo ragu... :D
Promosi saketek YE ko poto kami baduo., jikok ado etek-etek apak-apak yang punyo anak gadih, cubo-cubo lah adoan kakami kok lai ka laku kami de'e, kok lai ka laku lo dek kami bale anak etek jo apak di... ahhahhaahah bagora nye palomak carito, apolah arti minum ayia kopi klau indak diagia gulo, raso itulah kalau indak ado bagarah nyo.. hehehe
Leo Alfan -VS- Putra Pratama
OKELAH sanak dengan carito kini ko namo bintang atau lakoan e kami agio namo Sigonyek..
Pagi hari sigonyek ndak pai Sikola, antah apo alasannyo nan Amak jo Abaknyo lah heran. Dicaliak muko Sigonyek ko sedang sadiah bana jo galau, kadang bantuak urg sedang dilema paja tungau ko.
Dicari lah situasi jo kondisi nan tapek dek Amak Jo Abaknyo untuak batanyo ka sigonyek ko.
Katiko sadang sarapan pagi mulailah urg gaeknyo batanyo..
Abak > "ehem (batuak2 ketek) baa dek ndak pai ang Sikola nyek ?"
Amak > "iyo nyek , apo nan tajadi? Sadiah bana muko ang tampak dek Amak.."
(Dihiruiknyo angok dalam2 dek Sigonyek)
Sigonyek > "Abak.. Amak.. Cando iko aa, nan hari lah musim paujan, badan nan surang lah taragak pulo baduo.."
*(mangecek pakai kiasan :)*
Abak > "o.. Jadi itu masalahnyo, lah mangarati Abak mah nyek , bantuaknyo ang harus dicarikan kawan lalok bia wa'ang ndak maraso surang"
*(dikijok stek Amak sigonyek, Sigonyek pun mulai sonyun2 ketek)*
Amak > "???.." *(ndak ngarati)*
Abak > "kito buek'an adiak untuak sigonyek :*" *(baulang mangijok Amak sigonyek)*
Sigonyek > "arrrrrrrg huft,, ndak itu mukasuik Sigonyek doh Bak.. Sigonyek taragak babini..!!
Abak > "APO..?? (Tacaguik aia kopi) serius ang nyek ? Wa'ang masih ketek, wa'ang masih Sikola, Abak ndak setuju doh..!!"
Amak > "risian-risian apo lah Amak ang ko samalam ko nyek , dek itu bana kandak ang, Amak ndak setuju doh..!"
Sigonyek > "huuuu uauauauaua pokoknya onyek nio kawiiiiin..!! Kalau ndak buliah, onyek gantuang diri di Batang cimangko"
*(manangih sambia manyungkahan goreng pisang)*
Abak > "huk.. (Manutuik muncuang manahan galak)
Amak > "ijinkan se lah da.. Pado tajadi nan indak2 beko, kito juo nan ka malu.."
Abak > "jadih lah.. Kok basikareh juo ang, kami sebagai urg gaek ang ma'agiah ijin, bisuak malam bawo lah kasiko calon bini ang tu, supayo kenal pulo jo kami.."
Sigonyek > "apo? Calon bini? Calon bini onyek alun ado lay Bak.. Tlg carikan cieeeeeek.."
Abak > "HAH..!!
*(manyambua kopi angek skali lay dari muncuangnyo, baserak basah kamuko Sigonyek)* Yo lah Karambia ang mah, calon bini se ndak ado, baa pulo nyo ang ka babini..!! Kalau ka babini ang, cari calon bini ang tu dulu, jan mintak tlg pulo ang ka kami mancarikannyo..!"
Sigonyek > "uauauauauaua..."
*(manangih sambia marameh2 mukonyo)*
Amak > "alah tu nyek jan manangih juo lay, ang tu gagah sabananyo, jan dirameh juo muko ang tu.."
Sigonyek > "muko onyek angeeeeeek tasiram kopi angek dari muncuang Abaaaaaaak.. Uauauauauaua.."
*(manangih guliang2 dari halaman rumahnyo sampai halaman rumah tetangga :D )*
Lanjutan Besok harinya.
Liburan Sikola lah tibo pulo sanak.
sigonyek pengen pai liburan pulo, kama rancak kito buek carito liburannyo kawann.???? ka Banduang ce la ndakk.,
Akoa kito mulai liak caritonyo.
sigonyek Dari kampuang naiak Oto Gadang. Tibo di dermaga Bakauheni sigonyek naiak
Kapa Lauik.
Dek karano baru sakali tu naiak kapa, lah cando anak ketek ditampek baralek Sigonyek ko, sabana sanang atinyo, kamari balari, mangincak, maloncek2 cando kacang diabuih ciek..
Bajalan2 lah Sigonyek ko diateh kapa.
Tampak lah dek Sigonyek ado padusi rancak nan sedang tagak diujuang kapa sedang mancaliak pemandangan lauik.
Mandakek lah Sigonyek ko.
Sigonyek > "ehem.. (Batuak2 ketek) kama tujuan diak?"
Padusi > "ka Jakarta da, kalau uda kama?"
Sigonyek > "biaso lah diak, kalau uda satiok liburan pai ka Banduang.."
*(Handeeeh padohal baru sakali ko sigonyek pai kalua kota :p )*
Padusi > "o.. Manga tu ka Banduang??"
Sigonyek > "taragak mancaliak anak buah uda.."
*(yo lah kulera sigonyek ko, padohal nyo ka Banduang mintak pitih balanjo ka bos nyo si "Mancun" )*
Padusi > "hmm hebat uda yo.. Eh ancak pemandangan lauik ko yo da, denai skali ko baru naiak kapa lauik jadi agak andiak stek, hehe.."
Sigonyek > "ndak baa bagai doh diak, uda pun dulu cando adiak pulo.. Tapi kini lah tabiaso dek acok naiak kapa lauik liburan kalua kota :) .. Eh diak Sabana mantap kan naiak kapa lauik ko? Kapa nyo gadang jo tinggi bana, apo nan dicaliak tampak ketek, caliak tu aa batu karang sagadang buah karambia.."
*(sambia manunjuak jauah ka batu karang)*
Padusi > "??? Emang itu buah karambia nan marapuang da. Ndak batu karang nan tampak ketek doh.. Kapa wak kan alun balayia (berlayar) lay.."
Sigonyek > "hah..!! #%&@»..
*(malu gadang langsuang maloncek kadalam lauik)*
*(untuang ado nan manolong, Sigonyek ndak jadi mati :p)*
Hahaha
Singkek carito sampai lah Sigonyek kulera ko di Banduang.
Tingganyo kito agiah samantaro dirumah ambo :) ..
Siang paneh malangkang, taragak makan buah2an lah Sigonyek ko.
Sigonyek > "bro.. Awih den aa, kariang karangkuangan den, taragak den jo buah2an.. Dima ado urg manjuanyo?"
Ambo > "diujuang jalan dimuko tu ado urg manjuanyo, pai lah bali,, tapi ingek yo kalau ang lewat dimuko urg jan lupo mangecek "punten" nan artinyo Permisi.. "Lai jaleh diang??"
Sigonyek > "sip bro.."
*(Sigonyek ko dek baru di Banduang, jadi ciek Punten sajo nan dapek dek inyo bahaso sunda nyo)*
Singkek carito Sigonyek lah salasai mambali buah2an, nan nyo bali Mangga 2kilo babungkuih jo plastik warna itam. Sigonyek pun pulang. Dijalan satiok Sigonyek ko lewat dimuko urg lain disabuiknyo "punten" nan artinyo Permisi.. Dek karano Sigonyek manyabuik Punten, jadi dijaweknyo dek urg2 "Mangga" nan artinyo "Silahkan" atau "Buliah".. Haha Taheran2 lah Sigonyek ko baa dek tau urg2 tu apo nan nyo bawo, padahal nyo bungkuih jo plastik warna itam.
Singkek carito Sigonyek lah salasai mambali buah2an, nan nyo bali Mangga 2kilo babungkuih jo plastik warna itam. Sigonyek pun pulang. Dijalan satiok Sigonyek ko lewat dimuko urg lain disabuiknyo "punten" nan artinyo Permisi.. Dek karano Sigonyek manyabuik Punten, jadi dijaweknyo dek urg2 "Mangga" nan artinyo "Silahkan" atau "Buliah".. Haha Taheran2 lah Sigonyek ko baa dek tau urg2 tu apo nan nyo bawo, padahal nyo bungkuih jo plastik warna itam.
Sigonyek ko dek maraso sagan jo dek tatakok dek urg2 tu kalau ado Mangga didalam plastik itam tu, diagiahnyo lah dek Sigonyek urg2 tu mangga ciek surang. Sigonyek pun taruih bajalan, Lewat pulo baliak Sigonyek dimuko urg lain, manyabuik punten pulo Sigonyek baliak, dijawek lo dek urg mangga, diagiahan pulo dek Sigonyek mangga ko,
sampai mangga tu habis..
Dek karano mangga tu lah habis babaliak lah Sigonyek ko baliak katampek urg manjua buah. Dibalinyo rambutan lay..
Sigonyek pun pulang, cando biaso Sigonyek lewat dimuko urg disabuiknyo 'Punten'.. Dijaweknyo dek urg tu
'Mangga'..
Dibaehnyo dek Sigonyek galak gadang "HUAHAHAHA..
Takicuah kalian sadonyo, kini den ndak mambawo mangga lai tapi rambutan.. Wkwkwk (galak liak)
Liburan Hari selanjutnya
Antah kama lah sigonyek ko, lah saharian inyo mailang, padohal inyo baru di Banduang ko. Takuik ambo kalau inyo ilang. Kalau ilang kama ka dicari? Atau kok mati bagai bingkaruang tu, ambo yakin ndak ka ado
panggantinyo doh wkwkwk.. Pucuak dicinto ula pucuak nan tibo. Baru sajo ambo mancaritokannyo datanglah koncek sawah ko :D
Tapi antah apo pulo nan baru sajo tajadi. Sigonyek ko datang jo muko kasam mambuduik cando cipuik siap ba'abuih, mato merah cando bantiang mabuak,
kaniang bangkak bantuak di pantak tambuan..
Ambo > "dek apo ang tungau??"
Sigonyek > "kaniang den kanai tengkelek dek cewek bule bro.."
*(balinang aia mato)*
Ambo > "hahaha baa pulo caritonyo tu??"
Sigonyek > "den jalan2 ka Mall, masuak den kadalam Lift, kironyo didalam Lift panuah, ado cewek bule didalamnyo.. Den puji cewek bule tu, eh jan kan sanang ati nyo malah kanai tekek kaniang den.. "
Ambo > "emangnyo pujian cando apo nan ang kecek an ka bule tu dek sampai bangihnyo ka ang?"
Sigonyek > "cando iko kecek den aa.. 'Eh harum baun rambuik kau yo piak..' Kironyo cewek bule kalera ko mangarati jo bahaso Minang broo.. Sudahtu bangih2 nyo ka den.."
Ambo > "cando apo bangih bule tu??"
Sigonyek > "cando iko kecek cewek bule tu aa 'woi karambia santai mucuang ang stek yo,, cek ang sanang ati den kalau ang kecek'an rambuik den harum?? Tinggi ang sajo dibawah pinggang den..!!
Jadi Rambuik ma nan harum mukasuik ang..??"
Diambiaknyo tengkelek dikakinyo dek bule tu,,
PLAK..!! Langsuang inggok dikaniang den..!!
*(huuuuu nangih liak ma lap salemo)*
Ambo > "MUAHAHAHA.."
*(galak sambia salto)*
Liburan hari ka 4
Pai lah Ambo jo Sigonyek jln2 ka Pasa. Rencana ka ambo balian sigonyek ko sarawa 501 kw 7 agak ciek :D
Katiko ambo sedang sibuk2 ma'ago sarawa utk sigonyek ko. Nan paja ko pai ka WC.
Ndak lamo sudahtu tibo baliak cando urg bagak siap bacakak.
Ambo > "dari ang ma nyek ?"
Sigonyek > "dari WC.. Lai jaleh diang..!!"
Ambo > "eh baa dek emosi bana ang tungau?? Den pijak'an lidah ang beko..!!"
Sigonyek > "tadi pas kalua dari WC ado Preman nan sedang mabuak manggaduah den, diculiaknyo pungguang den..!!"
Ambo > "hah..!! Tu baa sudah tu?"
Sigonyek > "diam se den nyo, kok dilawan badannyo gadang, takuik den..!!"
Ambo > "e kaleraaaa..!! Jantan itiak ang mah, panakuik, percuma se ang lamo di Banten manjua cindua nyo, preman se ndak talok diang malawan.
Kalau ado urg manggaduah ang langsuang tinju skali.
Lai jaleh diang??.."
Sigonyek > "lai bro..!!"
*(angguak2 cando balam patuah)*
Mambali sarawa lah siap, tibo wakatu Sumbayang Luhua. Pai kami baduo ka Musajik Sumbayang. Tapi urg nan Sumbayang bajama'ah lah salasai. Sigonyek ko sabananyo paliang maleh bana Sumbayang, tapi dek
Mambali sarawa lah siap, tibo wakatu Sumbayang Luhua. Pai kami baduo ka Musajik Sumbayang. Tapi urg nan Sumbayang bajama'ah lah salasai. Sigonyek ko sabananyo paliang maleh bana Sumbayang, tapi dek
sagan jo ambo tapaso baliau ko Sumbayang, pado ndak jadi ambo agiah sarawa beko :D
Bagageh lah Sigonyek ko Bawuduak (wudlu) daulu nyo dari ambo. Salasai Bawuduak langsuang Sigonyek masuak ka Musajik. Pas didalam Musajik, Sigonyek langsuang Sumbayang mamulai Raka'at partamo. Nan ambo masih Bawuduak. Pas Sigonyek tagak masuak lah urg lain nan ka Sumbayang pulo langsuang manculiak pungguang Sigonyek..
Bagageh lah Sigonyek ko Bawuduak (wudlu) daulu nyo dari ambo. Salasai Bawuduak langsuang Sigonyek masuak ka Musajik. Pas didalam Musajik, Sigonyek langsuang Sumbayang mamulai Raka'at partamo. Nan ambo masih Bawuduak. Pas Sigonyek tagak masuak lah urg lain nan ka Sumbayang pulo langsuang manculiak pungguang Sigonyek..
Spontan Sigonyek madok ka balakang, diramehnyo dek Sigonyek krah baju urang tu, malayang tinju ndak ba rem Sigonyek ka muncuang urang tu "PRANG..!!"
.."Langsuang tumbang pingsan tajilantang urg tu.."
"Kurang aja ang..!! Urg Sumbayang ang gaduah juo, jubilih gadang ang mah..!!" Kecek Sigonyek emosi.
Dek mandanga suaro mamakak dalam Musajik, ambo langsuang masuak kadalam Musajik..
Ambo > "hah..?? Apo nan tajadi nyek ? Ang panga'an urg tu??"
Sigonyek > "den tinju muncuang nyo, digaduahnyo den Sumbayang, diculiaknyo pungguang den.. :("
Ambo > "onde mandeeee.. Inyo manculiak pungguang ang tu ndak manggaduah ang Sumbayang doh, tapi ma'agiah kode kalau ang Imamnyo, nan inyo jadi Ma'mum dibalakang.. Arrrrrrrg :("
*(ikuik pingsan)*
Sigonyek > "oh.. #%&@..!!"
*(diam saribu bahasa)*
Liburan hari ka 5
Ditangah pasa litak paruik Sigonyek ko, masuak lah paja kulera ko ka Warteg. Pas duduak didalam Warteg langsuang disaponyo dek pelayan Warteg..
Pelayan > "mau pesan apa mas?"
Sigonyek > "pesan saya rajin2 lah belajar biar tercapai cita2mu kelak :)"
(pakai bahaso Indonesia pulo Sigonyek ko)
(pakai bahaso Indonesia pulo Sigonyek ko)
Pelayan > "huft..!!"
*gigik sendok*
(Sigonyek pun kalua, ndak lamo sudahtu masuak liak..)
Pelayan > "mau apa lagi?"
Sigonyek > "saya hanya mau kamu bener2 menjalankan pesan saya tadi agar rajin2 belajar biar tercapai cita2mu kelak :)"
Pelayan > "kampret..!!" *ngunyah panci*
(Sigonyek pun kalua, ndak lamo sudah tu masuak pulo baliak..)
(Sigonyek pun kalua, ndak lamo sudah tu masuak pulo baliak..)
Pelayan > "jgn main2 mas, disini tempatnya makan.. :("
Sigonyek > "oh maaf, saya juga mau makan.."
Pelayan > "nah gitu dong, mau makan pakai apa?"
Sigonyek > "pakai rendang aja mbak.. :)"
Pelayan > "ini Warteg mas bukan RM Padang.. :( kalau lele goreng ada." silahkan keluar..!!"
(Sigonyek pun kalua, sudahtu masuak liak..)
Sigonyek > "maaf mbak.. Diluar juga ga ada rendang..
Pelayan > "arrrrrg maksud saya, yg jual rendang itu di RM Padang.. :( ..!!"
(*makan panci* Sigonyek pun kalua, sudatu masuak liak..)
Pelayan > "kamu lagi kamu lagi.. Saya udah bilangin disini ga ada rendang..!!
Sigonyek > "maaf mbak, saya ga nanya rendang.."
Pelayan > "oh maaf.. Mau apa?"
Sigonyek > "lele nya ada mbak?"
Pelayan > "ada dong.."
Sigonyek > "panggilin lele nya dong mbak, saya mau bicara bentar.."
Pelayan > "arrrrrg :("
*muntah lele* Sigonyek kalua, masuak pulo baliak paja bingkaruang ko :D
Pelayan > "eh stop..!! Jangan becanda lagi..!!
Sigonyek > "saya mau lele goreng satu porsi :)"
Pelayan > "oke.. Dari tadi kek..:)"
Sigonyek > "tapi kasih dedak rendang dikit ya mbak..:)"
Pelayan > "hah..!!" *kajang-kajang* Sigonyek pun kalua, pelayan Warteg lah stres pulo. Muak pelayan ko pai nyo ka RM Padang. Nyo bali randang saporsi. Sigonyek masuak liak untuak kasakian kalinyo ka dalam Warteg. Baru sajo dimuko pintu, langsuang Sigonyek ko disaponyo dek pelayan Warteg.
Pelayan > "silahkan masuk & duduk mas.. Skrg udah ada Rendang :)"
Sigonyek > "maaf mbak.. Saya kesini cuman mau pinjem korek api buat nyalain rokok, barusan saya udah makan rendang di RM Padang.. Ada korek api ga mbak??"
Pelayang > "ampuuuuun.. Mimpi apa saya semalam.. Arrrrrg :(#%&@»..!!
*tutuik Warteg*
*pakamehan baju*
*langsuang pulang kampuang taranak ikan lele*
Liburan hari ka 6
Sore hari katiko ambo jo sigonyek sedang lamak2 mangopi didalam rumah tadanga lah suaro mamakak dilua, hiruak pikuak dari lua. "TRANG, TANG, TENG, PLAK, HIAT, HUST..!!"
Bagageh ambo kalua manyilaunyo. Tibo dilua capek2 ambo karumah baliak sambia manahan sasak angok jo cameh.
Sigonyek > "manga urang dilua bro?"
Ambo > "ado tawuran antar RT nyek . RT 1, RT awak ko jo RT 2.. Sabana bakacamuak.. Babahayo nyek ..!!"
Sigonyek > "HAH..!! Aden harus manolong RT disiko, walaupun den baru disiko tapi solider den jadi warga capek tumbuahnyo..!!
*bagageh Sigonyek ko ma ambiak Ladiang, Kapak, Pisau dll, diguluangnyo dalam kain saruang*
Sigonyek > "tunggu dirumah bro, den pai parang..!!"
*sambia menyengsengkan langan baju*
Ambo > "apo?? (Takajuik) ndak usah se lah nyek , mati ang beko tungau..!! Ndak bisa ditagahan sigonyek Kapunduang ko doh. Nan ambo manuruik'an inyo dari balakang, walaupun tengak bana lah Sigonyek ko, tapi ndak nio ambo kalau paja kapindiang tu mati doh. Manusia spesial Sigonyek tu mah, kalau nyo mati siapo nan kajadi pemain ambo di Carito ko lay, ciek ado di dunia ko nyo wkwkw. Lari Sigonyek kalua rumah langsuang masuak katangah rami urang nan sedang bacakak banyak tu. Dibukaknyo guluang kain saruangnyo, dikaluakannyo kasado sanjatonyo. Nan ambo mancaliak2 dari jauah sajo.
sudahtu dibaehnyo basorak jo bahaso Indonesia "DI OBRAL.. DI OBRAL..!! ADA PARANG, ADA KAMPAK, ADA PISO, DLL.. MURAH.. MURAH.. BELI 1 GRATIS 1.. AYO..
SIAPA CEPAT DIA DAPAT.."
Ambo > "gubraaaak..!! Handeh mancari ongkos pulang paja tenggen ko kironyo wkwkwk"
-End
Saya mengaharapkan perbaikan disana sini kalau kiranya ditemui kekhilafan dalam mengartikannya, begitupun dalam menyusun kalimat demi kalimat, dan kemudian kepada ALLAH yang Alim jua saya berserah diri.
Disusun jari nan sapuluah, ditakuakan kapalo nan satu dihujamkan lutuik nan duo. Kapado sanak Ampun kami mintak, sambah dianta dipuhunkan, kapado sanak nan mambaco cariko, jikok ado salah dalam kato-kato kami, kami hanyo bisa minta maaf sagadang-gadangnyo pado sanak,
Luangkan sejenak: Demikianlah artikel tentang Carito lucu bahasa minang [Sigonyek mintak kawin] diatas, semoga bermanfaat untuk sobat dimanapun berada.
133 Komentar Tersembunyi "Carito lucu bahasa minang [Sigonyek mintak kawin]"
Posting Komentar