Waktu malam jumaik, sakitar jam sabaleh malam.., Awak baduo samo Alfan kawan awak manciang di Danau Singkarak.., aia danau sadang riak-riak.., sakitar satu jam kami mamanciang indak ado dapek lauk nyo do.,umpan lah abih.,.
Indak Lamo kamudian tibo lah urang dari Pakan Baru singgah untuk mamanciang di tampek kami tu, kiro-kiro ado sakitar 6 urang nyo. Anak jo bini nyo sato lo mamanciang malam-malam tu..
"Lah ado Dapek ikan Diak..??", kato salah surang laki-laki tadi.
"Alun ado lai Da...", Jawek si Alfan.
"Dari caliak caro nyo mamanciang urang ko dak biaso manciang di danau do Al..??" kato awak ka si Alfan.
"ba a tu ..??"
"caliak lah bini urang tu...., mamanciang disiko batu - batu nyo sagadang godok,, apuang-apuang nyo pake bola karah-karah sagadang godok lo."
Lah sakitar tigo jam mamanciang indak yo dapek ikan do .., umpan kami lah abih. Jadi kami cuma mangawanan urang Pakan Baru tu mamanciang lai.
Indak lamo panciang salah sorang laki-laki tadi panciang nyo dibanam an apuang-apuang nyo,
"Eh lai mah Da..., "kato Alfan.
"yo...gadang takah nyo mah.,, kareh unyuik nyo..."
Bakumpualah keluarga nyo disitu untuk mancaliak hasil yang didapek an.
"Ayo ..Pa.. jaan ampe lapeh Pa..", kato bini Uda tu.
Tali panciang digulung taruih, ampiang sampai ditapian lai.. lah mulai nampak mangkilek-kilek.
Tau tau nyo sampai panciang diangkek, tapampang lah softek yang lakek dimato panciang paja tadi.
"Aduh..., mimpi a den samalam...,, ado darah lo lai...", kato laki-laki tadi.
Awak samo Alfan payah manahan galak....
keluarganyo galak bacampua sadiah.hahaha
Written by: Putra Pratama
Assisted: Alfanjika anda mau Shared juga cerita lucu ANDA disini, atau foto-foto lucu yang anda buat dan Cerita-cerita kisah Cinta ANDA, atau kisah lainnya.., silahkan kontak saya >KLIK DISINI< .....
Baca juga Cerita minang lucu Maling Durian
Luangkan sejenak: Demikianlah artikel tentang Mancing di Danau Singkarak [Carito minang] diatas, semoga bermanfaat untuk sobat dimanapun berada.
133 Komentar Tersembunyi "Mancing di Danau Singkarak [Carito minang]"
Posting Komentar